اتمنى المشاهده والمشاركه

قرف وزهق الكل عنده الكلمتين دول الايام دى وكلام كتير ليه نفس المعنى
وانا كمان بجد زهقت وقرفت.....
الحقيقه انا مكنتش عارفه ابدا الموضوع ازاى بس قلت ابدأه بسؤال نقدر نقول ان معظم الشباب دلوقتى بيسألوا السؤال ده
سؤال بيتكرر كتير اووى (شاب بيسأل عايش فى فراغ وانا فى الكليه اعمل ايه؟
او اتخرجت ومش عارف ايه الخطوات اللى اقوم بيها دلوقتى ولا عارف هدفى ايه؟




بصراحه الموضوع ده بيعيش معظم الشباب فى حاله كسل وملل
لانه مش عارف يحدد هدفه مش عارف يعمل ايه ومش عارفه ازاى يبدا طريقه
انا حبيت اكتب حاجه عن الموضوع ده لان مش الشباب اللى عندهم المشكله دى لا دا كمان البنات
كل ما اكلم حد يقولى انا عايشه فى ملل ومش عارفه اعمل ايه؟







انا كمان بصراحه كده وبردو مش عارفه اعمل ايه
اكيد كلنا بنسأل نفس السؤال ده سواء اتخرجنا او لسه بندرس
معظم الشباب بيبقوا عايشين فتره الكليه دى او من الثانوى فى حاله من اللاوعى
بمعنى انه طالما اهله بيصرفوا عليه يبقى هوا مش شايل هم حاجه وعايش الدنيا بالطول والعرض ومش بيفكر فى حاجه
وبعد ما يتخرج ينصدم بالواقع اللى هوا (انا اقعد على الرصيف ليه؟)
ما فى ناس زيى ومتخرجين معايا واشتغلوا اشمعنى انا؟

علشان نحاول نخلص من الفراغ ده وفى الفتره دى اللى هيا فتره الكليه فى كذا حاجه
زى مثلا كورسات اى كورسات بقى ممكن تنفعك بعد كده
دلوقتى اى حد بيعمل انتيرفيوا(مقابله يعنى) علشان وظيفه اكيد اللى هيعمل معاك المقابله مش هيضيع وقته
علشان يعرف انت كويس فى الانجليزى ولا لأ او لو عاوز يعرف خبرتك فى حاجه تانيه
الحاجات دى كلها بتعتمد على الشهادات يعنى زى ما يبقولوا (مصر بلد الشهادات)
ده بس مثال يعنى او فكره على حاجه نقدر نعملها
عارفه ان اكيد كلنا عارف الكلام ده بس انا عاوزة كله يقول اى فكره عنده
بما اننا كلنا او بعضنا يعنى عايش نفس الحاله دى
ايه اللى نقدر نعمله علشان نخرج من الجو ده
علشان نقدر نعيش حياتنا من غير القرف والزهق اللى الكل فيه ده
بجد فى شباب كتير اوى بيضيعوا او بمعنى اصح بينحرفوا يعنى من الفراغ ده والملل
منهم اللى بيشرب مخدرات وقرف وغيرهم بيعملوا حاجات تانيه
طيب احنا ليه نستنى لما شباب كتير يوصلوا للحاله دى
انا مش قصدى ان انا هقدر اغير الناس كلها علشان محدش يقولى انتى يعنى هتقدرى تعملى ايه
لا انا اقصد اننا نساعد بعض بأى افكار
ان كل واحد يطلع اى حاجه جواه ممكن يكون حاسس انها مثلا فكره بسيطه او كده
بس اكيد هتساعد يعنى
الفكره اننا بنبقى عاوزين فعلا نتغير اوى نغير من حياتنا بس مش عارفين ازاى نبدأ
انا بصراحه الفكرة جاتلى من اللى بشوفه كل شويه حد يقولى الحياه بقيت ممله اوى
فحبيت اشوف رأيكم فى الموضوع ده يعنى يمكن كلنا نقدر نفيد بعض

شكرا جدا على كل ردودك ومشاركاتك
انا رايى من رايك
وياترى باقى الاراء فين؟؟؟؟؟؟؟؟؟؟؟؟