انا بحب بنت ززززعاوز مساعدتكم

السلام عليكم ورحمه الله

ازيكم يا اخوانى واخواتى اعضاء منتديات سحساوي

تحيه طيبه وبعد

________________

النهارده جيت لكم بموضوع شاغلنى جدا

لاحظت ان الشعب المصرى فيه شىء غريب جدا

بيميل كتير اوى الى الحزًن وانه يعيش دور غير دوره تماماً ف مرحله سن معينه
واحيانا بيستمر مع بعض الناس الى ماشاء الله

ومعظمهم بيُصاب بالموضوع دا ف العِقد التانى من عُمره
وهو من سن ال 20 الى سن 30 وزى ماقلت فى ناس بيستمر معاهم الى ما شاء الله

ولكن الموضوع دا بيتركز كتير جدا ف شىء بعنوان الحُب

فنلاحظ ان ناس كتير بتتصنع بعض المشاعر والانفعالات العاطفيه الجياشه مش عارف بيجيبوها منين بصراحه ف السن بتاعهم دا

بس معظمهم بينقل الحاجات دى من مكان لاخر او من منتدى لاخر

وكل اللى مسيطر عليه انه عاوز يظهر لنفسه او يثبت لنفسه انه عاقل ناضح واعى مُفكر صاحب مبدأ وتجارب ومفيش حاجه تقف ادامه

يعرف يختار صح و ممكن يحضر دكتوراه ف الكلام العاطفى

طيب الغايه من كده ايه ؟؟؟

______

طبعا بعد المصايب اللى اتكلمت عنها فوق
وبعد الفشل الذريع اللى حصل ف العلاقه اللى تمت بين الولد والبنت والتصنُع المنقول من مكان لاخر ونسبه لشخصه ورسايل الموبايلات وخلافه


وطبعا انا بحب دى ودى بتحب دا هيبدأ المشوار اللى الاتنين عاوزين يوصلو له

وهو حلم انهم يعيشو اجمل قصه حُب ف الدنيا

يبقى
روميو وجوليت
قيس وليلى
خالد ورباب
شرقاوى وشرقاويه...


وقليل جدا اللى بيوصل للزواج

واساسى دا كله ف السر يعنى اهلها ميعرفوش اى حاجه
ولا هتروح تقولهم انا مأنتمه مع .... وممكن يعنى بنسبه 10% نرتبط ؟

واللى مش بيوصل للزواج
بيحصله مشكله كبيره جدا

الولد بيفقد الثقه ف كل البنات ومجرد ما يبدأ يرتبط هيطلع على خطبيته كُل اللى شافه من حبه الاول على حسب اعتقاده

البنت بقا بينها وبين نفسها ان الرجاله دول مش ليهم امان وخاينين وعينهم فارغه والاسطوانه المشروحه بتاعتهم دى


وشاء القدر ان ف احد المحاضرات ف كليه الطب

ظهر طالب وسأل سؤال غريب جدا للدكتور

مضمونه

ان ولد بيحب بنت وهيا بتبادله نفس الشعور ياترى يتجوزوا ولا يعملو ايه
بصراحه السؤال دا جامد جدا
واجابه الدكتور عجبتنى جداااااااا

وتم تسجيلها

قبل ماحد يرد عليا
يسمع اجابه السؤال من الملف دا
http://www.4shared.com/file/96297305...___online.html