بسم الله الرحمن الرحيم
هبعد شويه عن الشباب والبنات والكلام فى اللى بشوفه علشان محدش يزعل وهكلم فى حاجه رقيقه وجميله كلنا بنتمناه وبنحلم اننا نعيشها وبنحلم انها تبقى حقيقه مش وهم بنحلم بسعادتها ونخاف من جرها لانه بيبقى قوى واحتماله صعب ولو خرجت منه بتخرج منه على جرح هكلم عن الحب اللى هو حلم اى بنت فى الدنيا وزى ماهو حلم اى بنت فهو حلم كل شاب البنات بتقول ان الشاب مبيعرفشى يحب واانه هو اللى بيخدع تيجى نشوف مين اللى بيخدع مين ولا الغلط فين وليه دلوقتى بنقول انه مفيش حب وكله غش وكدب نشوف . الاول بجد نفسى اكلم حد يقول انه حب بجد او حد سعيد انه ضحى بحبه علشان حبيبته مش شرط يكون سعاده ابتسام وضحك ااقصد انه راضى لانه شايفها سعيده نفسى الاقى حد يقول الحب موجود ونفسى الاقى حد يقول انه انجرح من الحب ليه مش عايزين او بمعنى اصح مش عارفين نفرق بين الحب والوهم اغلب اللى اعرفهم انجرحوا من الحب حبوا فى سن صغير .
هكلم عن كذا حاجه انا عرفتها بس الاول اكلم عن الحب فى راى والحب من معنى الحب ايه هو معناه انا شايف ان الحب احساس صادق واخلاق واحترام وصدق وامانه وامل الحب حياه الحب احلام . تيجى نشوف كل واحده من معانى الحب
نبداء بالحب احساس صادق : فعلا الحب احساس صداق واجمل احساس فى الدنيا احساس بيخليك كانك عايش فى دنيا احساس يخليك انسان تانى بيغير معانى كتير جواك بيخليك مليان امل مليان بالسعاده بيخليك تكره او بمعنى اصح تمحى كلمه من حياتك اسمها الجرح والكره انا قولت احساس صادق لان فيه احساس تانى بيبقى احساس كداب وهكلم عليه برده .
الحب اخلاق واحترام : طبعا الحب اخلاق واحترام الحب الحقيقى بيخليك تسمى عن كل الافكار الجسديه بتبقى هى كل حاجه فى حياتك حبيبتك واختك بتحافظ عليها اكتر من نفسك بتحترمها بتقدر كل كلمه بتقولها لك او بتقولها لها بتخاف عليها من نفسك من اى حاجه مبتفكرشى انك تستغل اى موقف زى اللى بشوفه الاسم بحبها والحقيقه انى عايز جسدها مش ده اللى بيحصل تلاقى اتنين بيحبوا بعض وشوف بيحصل ايه بيحصل زياده عن اللزوم ياترى لو بحبها وبخاف عليها هدى فرصه لحد انه يقول عليها حاجه ؟
الحب صدق : فعلا الحب صدق صدق مع الذات صدق فى الاحساس والكلمه والمعنى مهما كان هتصدق مش هتخبى او تكدب زى مابيحصل دلوقتى تلات اربع الكلام اللى بيقولوه لبعض كدب اكنى بتبنى بيت على الهواء حتى ولو على الارض البيت اللى ملهوش اساس ....
الحب امل واحلام : طبعا الحب امل امل فى بكره امل فى المستقبل وحلم انكم تبقوا لعبض امل انك تحققوا احلامكم تبنوا البيت اللى نفسكم فيه امل فى الامان .
الحب حياه طبعا الحب حياه اجمل حياه فى الدنيا لما تبقى مع حبيبك لما تبقى له ويبقى ليك لما تبقى عايش علشانه تبقى مستعد تضحى بحياتك علشانه فعل مش كلام
هو ده الحب اجمل احساس فى الدنيا اجمل حياه نفسك تعيشها اجمل امل انك نفسك تحققه . الحب بيخليك تسمى فوق اى حاجه يببقى هدفك هو حبيبك مش حاجه تانيه
هو ده معنى الحب اللى اعرفه مفيش فى معناه الكدب او الغش او اللى بيحصل دلوقتى نشوف الغش والكدب والنفاق ده من معانى ايه
الوهم : الوهم هو اصعب احساس فى الدنيا هو الالام وجراح ودموع وندم ندم على الوهم عايز اعرف ايه الفرق بين انك تعيش فى وهم وتفوق منه وانك تبنى بيت من الرمل على الشط انا شايف ان الاتنين واحد الوهم اكنك بتبنى امل وحياه على الهواء بيجى وقت وتعرف انكم هتسيبوا بعض اكيد ببيبقى فيه تمهيد والبيت اللى على الشط بتبقى عارف انه هيتهد برده فيه تمهيد لما الموجه بتقرب بتعرف ليه بتزعل على الوهم ومش بتزعل على البيت اللى على الرمل ؟
عارفين ليه بنختار الوهم علشان بنتمنى الحب بمعنى اصح بنبقى عايزين نجرب الحب ف اى احساس غريب او مختلف بنقول هو ده الحب وبنفرح بالوهم فى اوله حلو وبعد شويه يبداء يتغير ويصيح سى بعد كده اسواء بعد كده جرح مش هو ده اللى بيحصل بس الارخم انك بتقعد تبكى على الوهم وتزعل وتقول مفيش حب فيه كدب وغش .. الحب ماله دلوقت مش انت اللى اختارت الوهم ووعرفت انك كنت عايش فى وهم ليه تبكى عليه ليه ماتقعدشى مع نفسك وتشوف انت غلط فى ايه ليه انجرحت ؟
البنت اللى بتحب فى سن المراهقه بيبقى نفسها تجرب الحب بتبقى حياتها مليانه فراغ وخاصه لو ملهاش اصحاب كتير بتحس بالوحده بيبقى نفسها حد يملى فراغها يحسسها بكيانها يحسسها بوجودها واحلامها علشان كده بتدخل فى طريق الوهم .
الحب مفيهوش جرح فيه تضحيه ممكن تضحى علشان اللى بتحبه تضحى لما بتحس انك عاجز انك تحقق له احلامه بضحى لما تحس انك مش هتقدر توفى بوعودك معاه بضحى لما بتحس انك مش هتقدر تبقى له بتدى له الفرصه انه يختار حياته ويمكن يلاقى حد يحبه ويحقق له احلامه وبيقى جمبه فى حزنه قبل فرحه فبتضحى وعلى الرغم من حزنك على حبيبك الا انك بتبقى عندك قدر من الرضا كفايه لما بتشوفه سعيد ومبسوط
ارخم حاجه فى الدنيا بجد لما الانسان اللى بتحبه وتضحى بحبك علشانه وعلشان يعيش حياه اسعد انه يخرج من حزنه عليك بوهم يدخل فى طريق الوهم بتحزن اوى ان اللى عملته مكنشى له اى قيمه انك ضحيت بحبك بدون نتيجه .
ياريت كل واحد يجرب يسال قلبه قلبه مش عقله لان اغلب اللى بيقع فى الوهم بيحب بعقله قبل قلبه اه ده مهتم بيا اه ده بيستنانى اه ده مش عارف ايه كل ده مواقف بتحللها بعقلك مش قلبك حب بقلبك وفكر بعقلك سيب الحب للقب مش للعقل اسال قلبك حاسس ب ايه اساله امنيته ايه
الأحد يوليو 05, 2009 1:21 pm من طرف MEDO
موضوع: معنى الحب الحقيقى 