الصحفى:اهلا وسهلا ازاى حضرتك؟
السيجاره:اهلا بيك الحمد لله على كل شىء
الصحفى:مالك ياسيجاره زعلانه ليه؟
تسمحيلى اقولك ياسيجاره كده حاف
السيجاره:حاف والا بعيش مش هتفرق يااستاذ .انا اللى مزعلنى
حاجات كتيره اوى هتقدر تعد معايه والا مش بتعرف
تعد
الصحفى:لا طبعا ياسيجاره بعرف اعد كويس انا اخدتها فى
المدرسه
السيجاره:شكلك ابن ذوات ومحترم وهتقرفنى
بص ياسيدى عد بقى معايه
اول حاجه الشباب اللى كانوا بيشربونى جاتلهم التقوى
وهيبطلونى. بذمتك مش حاجه تزعل؟
الصحفى:انا شايف انها متزعلش دا كده كويس
السيجاره:تجيلك ضربه فى زورك يااخى
الصحفى:نعم.....بتقولى ايه؟
السيجاره:لا دا انا بقولك بيتهيألك دا انا كنت مستعبداهم كانوا زى
ما يكونوا شغالين عندى ببلاش
الصحفى:اه وايه كمان؟
السيجاره:تانى حاجه بقى الاطفال اللى كانوا بيجربونى مره
مبقوش بيجربونى كل ده بسبب حملات التوعيه على
التليفزيون والشارع وفى المدارس وكمان الجماعات
اللى ظهرت جديده دى زى *ضياع الحياه*
الصحفى:اه تقصدى *صناع الحياه*
السيجاره:ايوه يااخويه باين كده كان الواحد حاسس انه زعيم
العصابه هو اللى بيحرك الكل لكن دلوقتى خلاص بقى
راحت عليه معندكش حل ليه ياسى الاستاذ
الصحفى:عندى حل حلو اوى ليكى عارفه ايه هو؟
السيجاره:ايه هو ياسيدى؟
الصحفى:هقولهولك بس لما تقوليلى انتى كنتى بتعملى ايه فى
اللى بيشربوكى
السيجاره:ابدا يااخويه مكنتش بعمل حاجه كنت بس بجبلهم كحه
وشوية وتقلب بالتهاب رئوى وبعدين سرطان على الرئه
ويمكن تليف كبدى واكيد تشوه فى الاجنه يعنى فى
الاخر بيبقى هيكل عظمى بس كده.
الصحفى:بس كده!
السيجاره:اه والله بس
قولى بقى ايه الحل علشان استعبدهم تانى
الصحفى:مفيش غير حل واحد بس انك تموتى للابد موتى موتى
وبكده نكون نقلنا لحضراتكم مصرع سيجاره على يد
الصحفى الشجاع وشكرا
كانت معكم شونونوس من قلب الحدث
مستنيه ردودكم ويارب يعجبكم
الأحد يوليو 05, 2009 1:21 pm من طرف MEDO
موضوع: حوار مع سيجاره 