merooo
مشرف عام
عدد الرسائل : 64
العمر : 35
المزاج : سماع الموسيقى الهادئه
تاريخ التسجيل : 04/12/2008
 |  موضوع: النجاح والمستقبل فى يوميات جمعاوى  الأربعاء مارس 25, 2009 11:09 pm | |
|
حتسقط يعني حتسقط يا جمعاوي!!
ده أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..
لبست هدومي..وقبل أن أخرج من باب البيت..نظرت إلى الكتاب..وقولتله: وربنا..وربنا ما حذاكرك تاني..
ثم ذهبت إلى اللجنة مسرعاً وأنا سعيد إني خلاص حفضي دماغي من مادة كاملة-طبعاً ده إن نجحت فيها إن شاء الله-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!!
وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!..إيه ده يا واد يا جمعاوي .. معقول .. هو ده امتحان؟؟ .. مش ممكن!! .. ده امتحان محصلش في الأرجنتين.. -متسألوش اشمعنا الأرجنتين؟طبعاً عشان بحب ديفيد بيكهام- لقيت الورقة..عجيبة..غريبة..كالآتي :-الاسم:اكتب اسم الحاجة أمك :............. رقم موبيلك:...............
الإيميل:.................... السيبر المفضل:..............
السؤال الأول:اختار من بين الأقواس الكلام الصح:
1- حنان ترك اتحجبت يعني............(لبست جزمة - لبست ساعة - لبست ايشرب)
2- اللي بنى هرم خوفو..............(طلعت مصطفى - المقاولون العرب - مقاول عادي - خوفو)
3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............(يا ماما - يا بابا - يا خالو - يا ريس - يا مصر)
5 - مصر هى أمي نيلها جوا...........(بطني - رجلي - جيبي - دمي)
6- رئيس مصر القادم السيد......(جمال مبارك - جمال مبارك - جمال مبارك - كل ما سبق) السؤال الثاني:أكمل الجمل الآتية بكلام م الآخر:
1- انتبه من فضلك السيارة ترجع إلى........................
2- ماما زمنها...................
3- من خلال تجاربك السابقة...البامبرز استيك منه.............
4- طلعت أدّب نزلت أدّب لقيت الدب بيأزز............
5- اسم والد اللاعب وائل جمعة الحاج..............
السؤال الثالث:ضع علامة NIKE أو علامة غلط أمام الكلام الجاي:1- بابا فين؟؟ ..بابا هنا..قوله مين؟؟ قوله عمو ( )2- الشرطة دائما في خدمة الشعب ( )3- اللي بيته من سيراميك ميحدفش الناس بالبلاط ( )4- شاي الجوهرة حتة سكرة ( )5- يحكم مصر النظام الملكي ( )"ملحوظة:لو معرفتش سؤال ابقى طلع المنفستو اللي معاك يا جمعاوي..غش براحتك..كده كده حتسقط يا جمعاوي عشان تحرم تقول لكتاب المادة بتاعتي كده..ماشي يا جمعاوي!!!!" قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة تاني.. وتالت ..وأنا مش مصدق إن الدكتور كاتبلي ..ماشي يا جمعاوي..ماشي يا جمعاوي
-جمعاااااااااااااااوي..أنت يا وااااااااااد يا جمعاااااااااااوي قوم بقى..عشان تروح الامتحان
-استيقظت من نومي..ثم نظرت حولي..إيه ده أنا لسه في البيت مرحتش اللجنة..الحمد لله كنت بحلم..ووجدت الكتاب جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا كتاب ..هو أنا ليا بركة ألا انت يا كتاب. | |
|
lolo
مشرف
عدد الرسائل : 95
تاريخ التسجيل : 23/02/2009
| | موضوع: رد: النجاح والمستقبل فى يوميات جمعاوى الجمعة مارس 27, 2009 8:43 pm | |
| موضوع شيق وجميل ومفيد فى نفس الوقت | |
|
MEDO
Admin
عدد الرسائل : 133
العمر : 35
العمل/الترفيه : المدير العام
المزاج : رايق علي الاخر
تاريخ التسجيل : 04/12/2008
| | موضوع: رد: النجاح والمستقبل فى يوميات جمعاوى الجمعة مارس 27, 2009 9:33 pm | |
| عندك حق يا لولو هوا موضوع جميل بس مش مفيد علشان جمعاوي دا واد فاشل شايل مدتين السنة اللي فاتت
هههههههههههههههههههههههههههههههههههه
تقبل مروري
| |
|
merooo
مشرف عام
عدد الرسائل : 64
العمر : 35
المزاج : سماع الموسيقى الهادئه
تاريخ التسجيل : 04/12/2008
| |
MEDO
Admin
عدد الرسائل : 133
العمر : 35
العمل/الترفيه : المدير العام
المزاج : رايق علي الاخر
تاريخ التسجيل : 04/12/2008
| | موضوع: رد: النجاح والمستقبل فى يوميات جمعاوى الجمعة مارس 27, 2009 10:03 pm | |
| هههههههههههههههههههههههههههههههههههههههههههههههه ماشي يا ميرو دا من كرم اخلاقك وتواضعك اللا متناهي
هههههههههههههههههههههههههههههههههه
تقبل مروري
| |
|
lolo
مشرف
عدد الرسائل : 95
تاريخ التسجيل : 23/02/2009
| | موضوع: رد: النجاح والمستقبل فى يوميات جمعاوى السبت مارس 28, 2009 2:04 pm | |
| لا عارف مفيد ليه لان دا اللى بيحصل فعلا واللى بيعمل كدا لما يقراه هيحس بنفسه | |
|
