أسئلة تجيب الشلل بنتعرض لها كل يوم

اسئله بديهيه مالهاش اي لازمه في الدنيا
بنتعرض ليها كل يوم من كل الناس

خلـونـــا نشــوف أمثلة

أنت في أوضتك .. على السرير وطافي النور ومتغطي ...
يجي أخوك الظريف ويفتح الباب عليك ويقول : ايه ياد انت هتنام ولا ايه ؟
(( أظن ده مش وضع الرقص !!! واضح ان انا هنام ))

*************** ****

أنتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير " انتوا جيتــوااااااااا ااااااا

(( لا لسه ))

*************** *****

والعكس : أنت لابس هدومك و متأنتك و على سنجه عشره وريحة البارفان
واصله لاخر الشارع .. وخلاص بتفتح باب الشقه,, يجي حد من أهلك وينادي
بصوت عالي : انت خااااارج ولا اييييييييي يه

(( !!! لاء دانا لسه راجع ))

*************** ******

أو مثلا راكب العربيه ودورتها وخلاص هتطلع ... يجيلك لك البواب
ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟

(( لا العربيه واحشاني ))

*************** ***
>>

مثلا ماسك سماعه التلفون وقاعد تضغط الارقام يجي حد من أهلك ويقولك
: انت هتتكلم في التليفون ؟

(( لا أبتفرج عليه ,, أكيد بتكلم ))

*************** ***

مثلا : ماسك مذكرة أو كتاب وقاعد تحفظ ومتحمس (أول مره بقى ) .. جه حد
وقالك :هاه قاعد تذاكر ؟
(( تقوم رامي الكتاب و تقوله لااااااااء ))

*************** **

ربنا هاديك كده ... ماسك سبحه و عمال تسبح ، يجي حد من البيت يعدي
عليك ويقول :هوه انت بتسبح
(( لاء هفرطها و أسلقها ))

*************** **

ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب
الاغنيّة ديه ولا ايه ؟

(( لاء طالبها اخنق على نفسي))

*************** **

أو مثلا في العيد

المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و
قرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير ..

(( أكيد يعني مش هيقولهم البقاء لله ))

*************** **

,,,المذيعه الرخمه : وياترى بقى هتعملوا ايه العيد ده هتقضوه ازاي ؟
اكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيد عليهم و نقولهم كل سنه
و انتوا طيبين

(( سبتيله ايه يقوله يارخمه ))

*************** *

والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!

(( يعني اساسي الواد لسه ما طلعلوش عرق الكره علشان يقول لأ ) farao

هههههههههههههههههههه
والله فعلا اللى بيحصل وانا لحظتها كتير اوى
وكنت بعيب عليهم فى البيت وكان الموضوع ده موضع نقاش فى البيت
بس شكرا يا حسين
امتعتنا ونرجو المزيد

هما اسئله جميله ومضحكة جداااااااااااااااااااااااااااااااااااا
بس بنتعرض ليهم بالفعل
مشكوره علي مرورك يا هاجر
تقبلي مروري

ههههههههههههههه اه فعلا والله هو دى اللى بيحصل فعلا
مشكوووور ياعم سحس