Elprince
موظف جديد
عدد الرسائل : 5
العمر : 35
الموقع : www.ibrahimelfiky.com/
العمل/الترفيه : التنميه البشريه
تاريخ التسجيل : 06/12/2008
 |  موضوع: مين السبب؟؟؟  السبت ديسمبر 06, 2008 1:40 pm | |
| بطالة .. وسايط ... اسعار غالية ....... كوسة ....... حوادث مرور ...
ضرايب ... دروس خصوصية ... تعليم بايظ .... ... ........ ........ ........... .......... الخ
طب وانت عايش ليه ؟
ما هو استسلامك لكل المشاكل دى انتحاااااار ...
بس تصدق ؟...... انت مش مستسلم ..... انت بتعمل مظاهرات
بس مظاهرات على مين ؟
ايا كان اللى بتعمل مظاهرات ضده ........ فهيكون مش هو المسئول عن كل المشاكل دى
لان المسئول الوحيد هو انت ........ انت المسئول
اللى فات ده مش هو الموضوع .... لكن هو يعتبر وشوشة فى ودانك قبل ما تقرا الموضوع ......
كل واحد عنده مشاكل ... كل عيلة عندها مشاكل .... كل مجتمع عنده مشاكل .... كل دولة عندها مشاكل ...... كل امة عندها مشاكل .......
اللى يهمك مشاكلك ومشاكل عيلتك ومشاكل مجتمعك ومشاكل مصر ومشاكل الامة الاسلامية والعربية .
فى واحد عنده مشكلة ويحلها ...... ازاى ؟
فكر فيها ....
عرفها...........
فكر فى حل .......
معجبوووووووش........
فكر فى حل تانى ..........
حاول ينفــــــذه................
للاسف مقدرش ...................
اتضايق ... لكنه مستسلمش..........
فكر تانى وتالت وراااابع ........................
لحد ما لقى حل تانى ...............................
نفذه ....... وقدر يخرج من مشكلته وبقى سعيد ........
بقى سعيد لانه قام بكل الخطوات دى ...
انما احنا بنلاقى مشكلة ونتجاهلها لغاية ما تتراكم علينا المشاكل ونبدأ نتضايق من اى حاجة حوالينا و بقينا فى حالة سخط من كل شئ حتى من انفسنا ..... عمرنا ما هنتقدم ولا هنحل مشاكلنا واحنا فى الحالة دى .
عارفين الابكم ؟ ........ اللى مش قادر يتكلم ويعبر عن نفسه ؟؟؟؟؟ وعن اللى متضايق منه ؟؟؟؟؟
بيصرخ ويزعق ويتضايق من كل اللى حواليه ......
متضايق ومش عارف يعبر
وكذلك الطفل الصغير اكتر حاجة يتضايق منها انك متكونش فاهمه .
تخيل اننا بقينا كدة ؟؟؟؟؟؟
الوضع نفسه يضايق
على فكرة ؟
احنا كمصريين مش احنا بس اللى بنواجه مشاكل ...... او بمعنى اخر انى مقصدش مشاكل مصر بس
لكنى اقصد مشاكل امتنا كلها .
الموضوع محتاج مناقشة سريعة ....... ومش محتاج ابدا اننا نكون صناع قرار .... لا
محتاج فقط اننا نكون حاسين بالمشاكل اللى بنواجهها فى حياتنا .. ...
رايي المتواضع انه كان هدفنا من المناقشة هو ايجاد حل .. فعلينا ان نبتعد عن الفكر المعارض الساخط والمتشائم ......
و ايضا عن الفكر المتفائل جدا فى وسائل الاعلام واللى بيحسسنا ان الدنيا بمبى
ولكن لنكن على الحياد وننظر الى القضية بشكل موضوعى ونوقن تمام اليقين ان وضع مصر ليس بالسواد الذى يراه البعض .. فى الوقت الذى لا ننكر فيه وجود مشاكل .... ولكن دائما هناك امل فى غد افضل
المهم عشان مطولش عليكم .......
كل اللى محتاجه منكم قبل مناقشة اى حاجة خالص
تقرير بسيط جدا .....
بدايته فضفضة "احكى عن كل المشاكل بوجه عام وعن طرق حلها "
وبعدين فى صورة تفصيلية .... سرد المشكلات 1 2 3 وكذلك الحلول
عارفين ؟
فى رايي كل مشاكلنا - بدون مبالغة - ممكن تتحل لو فقط عرفناها وقررنا نحلها
مثال بسيط
التعليم : بتشتكى منه .... حاول ولو مرة تلاقى له حل وتعرضه على اى حد ولو مدرس .. والنقطة دى بتفرق اذا كان لك الحق انك تعارض الحكومة ... او ان ميكونش ليك حق انك تتكلم اصلا
يعنى من الاااااااااااااااخر
حاول
حاول
حاول
عشان مفيش حد يكون عنده حجة
والا مفيش حد هيسمعلك
ومش هيكون لك حق تتكلم اساسا
........................
ارجو ان تكونو فهمتم قصدى
وفى ملاحظه
لو كنت فى محاضرة .... ومسالتش ولا سؤال .... دة معناه تلات حاجات :
1 - انك فاهم كل حاجة
2 - او انك تكون مش مهتم بالموضوع من اساسه
3 - او انك يائس من الدكتور المحاضر ومتوقع انه اما ميردش على سؤالك او مش هيفهمك
كذلك حياتنا ......
مش معقولة مصر مثلا مفيهاش مشاكل ....
لكن سكوتنا بيعبر عن التلات فروض السابقة
1 - مفيش مشاكل .... ودة فرض شبه مستحيل .. خاصة فى مصر
2 - مش هاممنا نحل مشاكلنا ولا نتقدم ولا اى حاجة..... ودة اغلبية الشعب .. السلبية
3 - المعارضة .. سخط عام على كل شئ .. مش راضيين عن اى حاجة فى البلد .. عايزين يجيبوا البلد على الارض ويبنوها على كيفهم .. دة رايي بكل صراحة فى معظم بل جميع قوى المعارضة فى مصر .. بلا استثناء
فى ناس هتتهمنى بالتناقض ..... ازاى سكوت وازاى معارضة
المعروف ان المعارضة صوتهم عالى ..... ازاى احطهم من ضمن فروض السكوت
هقول ان السكوت دة معناه التخلى عن مسئوليتنا تجاه نفسنا وتجاه مجتمعنا وتجاه الوطن وتجاه الامة
لكن الصح اننا نفكر بكل الطرق السليمة اننا نوصل لحقوقنا .... الطرق الشرعية اللى تحبط اى حجة
مثال بسيط : مشكلة فى العمل .. سببها رئيس العمل .... اشتكى النقابة الاول ... ولا المفروض ابعتله مذكرة بشكوتى ... باحتجاجى عن وضع معين .... عشان اما اشتكى النقابة او الوزارة مثلا ... ميقولش .. مكنتش اعرف
لكن الصوت العالى عامل زى بالظبط صراخ الابكم ..... اللى مش عارف يعبر عن مشكلته ....
وطبعا دة مالوش اى فايدة ...... وضرره اكتر من نفعه
اتمنى يكون اللى انا اقصده وصل ليكم | |
|
MEDO
Admin
عدد الرسائل : 133
العمر : 35
العمل/الترفيه : المدير العام
المزاج : رايق علي الاخر
تاريخ التسجيل : 04/12/2008
| | موضوع: رد: مين السبب؟؟؟ الإثنين فبراير 23, 2009 12:12 am | |
| هتودينا في داهية يا معلم بلاش كدا
بس عايزز راي موضوع جامد استمر يا معلم
مشكور علي الموضوع | |
|
مسلمه مصريه
موظف نشيط
عدد الرسائل : 91
تاريخ التسجيل : 17/02/2009
| | موضوع: رد: مين السبب؟؟؟ الأربعاء فبراير 25, 2009 5:31 pm | |
| أولا شكرا على الموضوع الرائع
ثانيا انا معاك فى كل كلمه قولتها
ثالثا بالنسبه للمشاكل اللى انا شايفاها
قبل ما اقول اى حاجه انا ماكنتش معترضه على اى حاجه خالص فى الدوله
وكنت مأيده الرئيس فى كل حاجه وبدافع عنهولكن
بعد ماسمعت محاضرة الدكتور ابراهيم بسيونى فهمت الوضع تماما
بعد ماجاب الادله والبراهين وفعلا الوحيد اللى فسرلى الوضح صح وغيره وغيره وغيره
المشاكل
1- التعليييييييييييييييييييييييييم
أسوأ ما يمكن, مش تعليم اصلا انا بحس ان بعض الدكترة بيحربونا بيحطوا امتحانات علشان يعندونا بيها او علشان يميزوا نفسهم وغير كده وكده التعليم فى مصر فااااااااااشل بالتلاته مالوش اى لازمه
الادله
1- تعالى على كليه التجاره
احنا عاملين فى كليه التجاره دى زى الواحد اللى اكل اكله وسورى فى اللفظ دخل الحمام جاب اللى فى بطنه تانى وماستفدش باللى اكله
احنا كده بالظبط قبل الامتحان نذاكر ونروح الامتحان نحط الكلمتين اللى حفظناهم ولما رجلينا تعدى عتبه اللجنه بنشفر كل حاجه ومش بنستفاد اى حاجه منها وياريت بتلاقى شغل بعد التخرج
2- تعالى على كليه العلوم
كليه العلوم دى هى الكليه الام فى اوربا وامريكا واللى بيتخرجوا منها احسن فئات الشعب وعماده وليهم المكانه الاولى فى المجتمع ووخده حقها
لكن تعالى الوضع فى مصر ولاااااااااااااااااا ليها اى لازمه خالص واللى بيتخرج منها بعد التعب والمرار اللى بيشوفوه احتمال كبير مايلاقيش شغل وطبعا بيحصل كتير دول كانوا ياراجل عايزين يلغوها المفروض كليه العلوم دى تبقى ارقى كليه موجوده دى كليه العلماء
3- كليه الهندسه
بسم الله ماشاء الله بصراحه الرصيف بيساعى الوفااااااااااات من المتخرجين من كليه الهندسه حتى المهندسين مش لاقين ياكلوا
انا اعرف 4 مهندسين بترول اللى واقف فى سوبر ماركت واللى شغال سباك وغيره وغيره واعرف مهندس كهرباء بيطلع يوميه مع الصنايعيه
وغيره وغيره وغيره فى الكليات الاخرى
2-البطااااااااااااااااااااااااااااااااااااااااااله
لا تعليق وكلنا عارفين طبعا الوضع المشؤم
مصر الدوله الوحيده اللى فيها شحاتين برضوا لا تعليق
3-مفيش عدل
كل وزير معينله 20 30 مستشار على الشعب كل واحد فيهم بياخد مايقرب الى مليون جنيه
حرام ده ولا حلال سيبك من مقدار الفلوس اللى بيخدوها هل هم بيعملوا بالفلوس دى الاجابه معروفه طبعا زى ماحنا شايفين البلد خربانه
4-القوانيييييييييييييييييييييييييييييييييييين
كلها قديمه وملهاش اى لازمه ومش بتطبق
زى مثلا قوانين الزراعه تصدق وتؤمن بالله احنا ماشين على قوانين سنه 1928 تخيل
هل قوانين زمان تنفع دلوقتى مع الاختلاف فى كل حاجه
وغير كده مجلس الشعب كل شويه يشرع قوانين والفرد مش واعى ليها ولا عارفها المفروض يسيب فترة من الوقت علشان الشعب يعرف القوانين دى (ده المفروض) طبعا مابيحصلش
5- وقبل كل ده وده عايزه اقولكم اللى احنا فيه ده نستااااااااااااااااااااهله
احنا مهملين فى الاسلام احنا لو مؤمنين ماكنش حصل فينا كل ده ,علشان كده ربنا بلينا بجور الحكام
بقينا واقفين نتفرج على صدام وهو بيموت ومحدش نزل دمعه واحده ولا حد حاول يساعده من الرؤساء وماتقوليش ده عمل فى العراقيين كذا وكذا
وكان ظالم ...... والخ
هقولك انا ماليش دعوة بكل ده
والله ظالم انا احاسبه ,اخويا من دمى ودينى انا احاسبه ماسيبهوش لليهود يعملوا فيه كده دى اهانه للاسلام والمسلمين (ده هدفهم الرئيسى)
لو فينا حد بيقول( اشهد ان لا اله الا الله واشهد ان سيدنا محمد رسول الله) من كل قلبه وسمّع العالم كله صدى صوته
ماكنش الكلب الدنماركى عمل اللى عمله ,هو عمل كده علشان عارف ان المسلمين فى حاله ضعف ومش عارفين دينهم وبيسعوا ورا تقليد الغرب فى كل حاجه وشبابهم لا يعتمد عليهم ومش فاهم حاجه كل حاجه عنده الكمبيوتر والبت والنت (والبنات) كل حاجه عندها عايزه اروح الكوافير والبس ايه النهارده علشان الفت الانظار
وغيره وغيره وغيره وغيره من الاحداث اللى حصلت واللى بنشوفها بس انا مش عايزه اكتر عليكم فى الكلام
بصراحه الكلام كتيييييييير اوى بس هكتفى بالقدر ده
العيب مش فى الحكم لاااااااااااااااااااااااااااااااااااااااااااااااااااااااااا
العيب فينا احنا
من وجهه نظرى (الحل)
الاسلااااااااااااااااااااااااااااااااااااااااااااااااااااااااااااااااااام هو الحل
وتطبيقه والعمل بيه والاقتضاء بسنه النبى
 وشكرا على الموضوع | |
|
mekho
موظف نشيط
عدد الرسائل : 54
تاريخ التسجيل : 09/01/2009
| |
