هام للفرقه الثالثه عربى ...د/مصطفى مجاهد

بسم الله الرحمن الرحيم
السلام عليكم ورحمه الله وبركاته :
الى طلبه الفرقه الثالثه عربى

ملحوظه (نظام التقويم المستمر على جميع المواد ولكن كل دكتور وله طريقته )
يعنى هذه الطريقه خاااااصه بالدكتور مصطفى كجاهد فقط فقط فقط

اليوم فى محاضره الدكتور مصطفى مجاهد
اكد الدكتور مصطفى ان حضور المحاضره له فقط يعتبر نجاح فى الماده
وان الحضور ايضا يعطك ميزه ان تقديرك من جيد جدا لامتياز
اللى قاله الدكتور اه هيجيب كشوفات الاسماء معاه ويختار اسماء عشوائيه لامتحانات اعمال السنه
وكمان قال انه فى امتحانات التقويم المستمر للطلاب واعمل السنه هيقسم الدفعه الى مجموعات
المجموعه حوالى 600 طالب وهيبقى لهم مواعيد معينه لامتحانات اعمال السنه .....

كما صرح الدكتور مصطفى من مدرج 3 ان درجه اعمال السنه مثلا 20درجه
بمجرد حضورك فقط الامتحان لك 10 درجات كده جدعنه منه لك عشان حضرت بس
امتحان اعمال السنه ولو لقاك كويس ممكن يبقى ليك كمان درجتين كده لله
مع العلم ....
ان اللى مش هيحضر الامتحان ده يعتبر (صفر)فى اعمال السنه وليس هناك اعذار الا لحالتين
1/ البنت تكون عندها حاله وضع
2/ الولد يكون وقع تحت القطر السريع مش القشاش
لو اعذار اخرى يبقى صفر فى اعمال السنه ........كما قال
وايضا غياب 3 محاضرات متصله او منفصله
اذن(صفر)فى اعمال السنه

كما صرح ان النجاح مرتبط ارتباط كبير جدا بالحضور لان حضورك
ومتابعتك لاعمال السنه والتقويم المستمر يعتبر نصف النجاح
حيث توضع درجه اعمال السنه على كراسه الاجابه للطالب
وقال انه طبعا اللى هيلاقيه حضر امتحان اعمال السنه وله درجه غير الصفر
يبقى اكيد ناجح ناجح فى الامتحان النهائى حتى لو مضيع فى امتحان اخر السنه
وكمان هيبقى له درجات رافه جدعنه غير درجات الرافه القانونيه
يعنى مثلا لو جاب 70 تبقى 80 وهكذا ....فقط لانه حضر معاه وامتحن اعمال السنه
وقال (اتحدى طالب يحضر معايا ويسقط فى الماده او نجح فى اعمال السنه ويشيل الماده )

وسؤل الدكتور عن درجات الرفع ؟؟؟
قال طبعا فى درجات رافه لكن الدرجات القانونيه فقط فقط
لان اللى كان فى السنوات السابقه كانت درجات بالكوم ماشاء الله تجاوزت القانونيه عشرات المرات
وذلك لتحقيق الجوده فى التعليم عشان محدش يقول
ليه طالب عين شمس والقاهره والمنصوره احسن من طالب جامعه طنطا

ولما سؤل عن التصحيح العشوائى للورق
قال ان التصحيح ده نادرا مايحدث واذا حدث يكون على حسب نتيجته
يعنى لو صحح عشوائى وكانت النتيجه مثلا 80 فى الميه يبقى خلاص كله كويس وناجح
لكن لو طلعت النتيجه 30 %
يبقى لازم يراجع ويصحح ورقه ورقه .....

بالنسبه لاستهتار بعض اساتذه الكليه صرح الدكتور مصطفى :
انه لتحقيق الجوده فى التعليم تم عمل لجنه رقابه على اساتذه الجامعه من خارج الجامعه خالص واللجنه صرحت بانه لازم
يكون لكل ماده ورقه اجابات نموذجيه بدرجات كل سؤال زى نظام الثانويه العامه
تفاديا لما يحدث مثلا ان فى طالب حالل فرع فى سؤال ويبقى له 50 درجه على السؤال ده بس او العكس
تفاديا للكوسه وما شابه ذالك ..... (قال يعنى خلاص الكوسه هتتاكل )
وقال ان لجنه المراقبه دى هتيجى فى ايام التصحصح للورق وتاخد مجموعه ورق عشوائى وتشوف نظام تعليم الورق
لو مظبوط يبقى قشطه لو مش مظبوط يتم اعلام استاذ الماده ومراجعه التعليم واتخاذ الاجراءات القانونيه

كما اعطى سيادته نبذه عن الدبلومه والدراسات العليا

اى استفسار انا موجود
مع التمنيات بالتقديرات