تكليف عمل للفرقه الثالثه...مهم

اول محاضره فى الاسبوع الاول للدراسه
ماده :تطبيقات محاسبيه واحصائيه على الحاسب الالى
دكتور :عادل الميهى ...مختص بجزء المحاسبه

نصائح من الدكتور عادل بعد ان ساله بعض الطلاب ان الماده دى
نسبه الرسوب فيها عااااااااليه السنه اللى فاتت ..ليه ؟؟
قال الدكتور :
لان الماده كانت اول سنه تدرس هى العام الماضى ومفيش فيها خبره كويسه ولان الطلبه
كالعاده كانت مش بتحضر المحاضرات ومش عارفين يذاكروها منين
لا من الكتاب ولا كورسات ولا اى حاجه

ونصح الدكتور الطلبه بالاتى لاجتياز والنجاح فى هذه الماده :
1/ حضور المحاضرات
2/ حل التكاليف المطلوبه منك فى نهايه المحاضره (زى واجب يعنى )
وباداء هذه التكاليف بطريقه الدكتور هيكون المنهج سهل معاك ولذيذ
3/ التقويم المستمر عن طريق الكراسه المخصصه به
4/ لابد من التعرف على برنامج word , excel

وطلب الدكتور تكليف عمل ينفذ على برنامج الاكسل وهو ورقه واحده وتقوم بطبعها
وكتابه اسمك عليها ورقم جلوسك وبياناتك يعنى
والتمرين سهل جدا كالاتى :
ورقه اكسل وتكتب 5 اعمده كالاتى
اسم العميل -التاريخ- كميه المبيعات-سعر البيع-قيمه المبيعات
وافترض من عندك 5 عملاء وبياناتهم
وطبعا احنا عارفين ان قيمه المبيعات = كميه المبيعات*سعر البيع
ونجمع اجمالى قيمه المبيعات
اظن الموضوع سهل ومش فيه حاجه
وكمان ممكن اكتر من واحد يكتبو اسمهم على ورقه واحده
وان شاء الله هيتسلم يوم الاثنين فى المحاضره الاولى 23/2/2009

انا عارف ان فى ناس هتقولى ياعم كبر دماغك ومش عارف ايه
انا ياجماعه مبعملش اكتر من انى ببلفكم بس مش اكتر للعلم
وللناس اللى بتحب تحضر وعاوزه تظبط نفسه
لكن اللى بيعرف يسلك اموره بسكك تانيه .....ربنا يسهله
(اللهم بلغت ...اللهم فاشهد)
وربنا يوفقنا ان شاء الله ......