فريكى بقيت ديك

موضوع: فريكى بقيت ديك السبت فبراير 28, 2009 11:11 am

من كام شهر كده ..قرأت خبر فى جريدة الأهرام المسائى بعنوان (فريكى بقت ديك ) طبعا جذبنى

العنوان وكان نص الخبر كالتالى : أصيب أصحاب الدجاجة فريكى بذهول عندما نبت لها عرف قرمزى
وبدأت تصيح وقت الفجر بعد أن ظلت تسع أشهر تضع البيض..........

الى هنا انتهى الخبر الغريب المدهش لكن سرعان ما خرجت من الدهشة.
وسألت نفسى يا ترى ايه اللى خلاها بعد تسع شهور من وضع البيض تقوم بعمل الديك لا !!

و كمان الأقدار تساعدها ويطلع لها عرف؟
احترت بين أكتر من يمكن !!؟ ...

... يمكن الديوك فى العشة سهرانة طول الليل قدام الدش وعشان كده مش قادرة تصحى الفجر!!؟

... يمكن الديوك بقى كل شغلها الشاغل حفظ الأغانى ومشاهدة الكلبات للمطرب الفلانى اللى بيهوهو والمطربة العلانية اللى بتنونو!!؟

... يمكن عايزة تنادى بالمساواة اللى أنا غير مؤمنة بها لأن ربنا سبحانه وتعالي جعل كل ميسر لما خلق له !!؟

... يمكن بقت الديوك بتصحى فى عز الظهر تقف ساعة أمام المرايا تضرب ريشها جيل وتسقط البنطلون على طرف ديلها ...

وبقت عاملة كده زى الشباب ( اللي في الدياع) صدقونى أنا سمعتها من شاب جامعى هكذا بنفس الطريقة..

يمكن بيحاول يكون لطيف ؟ ربنا يلطف بنا و به !!

ومادام شباب الأيام دى بيحاول يكون لطيف.. ما يزعلش من البنات لوحاولت تكون الجنس اللى مش لطيف..

وهذا أيضا ليس من منطلق المساواة لكن من منطلق شغل الفراغ الذى تركه صاحبه ... وتعمل كما الدجاجة فريكى التى حسمت

الصراع وايقظت قواها الخفية (على رأى أستاذي العزيز) .. حتي نبت عرفها واخشن صوتها .

ارجو ألا يغضب منى أحد.. وحتى لا يظن البعض أنى آخذ موقع الناصح الأمين ..

فأنا أدعونفسى قبلكم أن نربى عقولنا قبل أن نربى اظافرنا وأن نسمع النصيحة بدلا من سماع الأغانى الهابطة .

وعلينا أن نعمل كثيرا حتى لو كان الأجر قليلا ..فالعمل عبادة فى حد ذاته

..وأذكركم ونفسى.. أن رسول الله صلي الله عليه وسلم عندما رأى يد أحد الصحابة وقد اخشنت من قسوة العمل قال هذه يد يحبها الله ورسوله .. ادعو لى ولكم بأن نكون ممن يحبهم الله ورسوله .فريكى" بقت ديك"

فريكى بقيت ديك A15pb6